| عامر على's profileعالم منقاشPhotosBlogLists |  Tools  Help |
|
May 02 !!!ولاااااااه هات البتاعة ديالطالب احتراماً لمدرسو ما يشوفش الساعة!!  من جم يوم كنت جايب وياي التلفون المدرسة بس جذي عيارة  و في نص الحصة و استاذ جلال كان الي يشرح و لوعة جبد والجو ممل و كريه حده طلعت تلفوني باشوف الساعة و كان يمي صبي بعد عنده تلفون  قلت لك اقول بو الشباب عندكم مقاطع مضحكة اصوات رنات اي شي عن الملل و الاخ كان كريم بصراحة اشهد انه كريم <<<احم احميطرش لي رنة و اطرش له صورة نقعد نتعلف بالصبيان بالبلوتوث و نصور الاستاذ و حركات شوي نسينه الاستاذ و قعدنا نحوس اكثر و اكثر لين ما صادنه الاستاذ !!!  بييييييييهو يقول : ولاااااااه ايه ده ؟  انا : لا استاذ ولا شي  و يجي ركيض يفتشنا ويلييييييي بسوي لي ورطة هالاستاذ و ياخذ تلفوناتنه و عطانه محاضرة طويلة عريضة شيفكنه منها الطالب ورئة وجود التلفون عند الطالب في الحصة ده مخالف لقوانين المدرسة >_> و ايه الاحترام ده ؟ الله ايه الجيل ده ما عندهوش زوئ ما بيحترمش المدرس الوائف امامو  ازا بتريدو التلفونات خدوها من عند المدير المساعد من عندي مش حتصلوا عليها  انا : افففففف يا ربي شسوي شسوي حطيتي راسي على الطاولة و سويت روحي يا زعم اصيح  و الطلاب الله يخليهم ما يقصرون استاذ استاذ منقاش يصيح استاذ حرام عليك هذا طالب مؤدب بريئ ما يسوي مثل هالحركات >>>امبله استاذ بصراحة اثبت انك قاسي القلب استاذ......الخ و مسيكن الاستاذ جه يمي و حط تلفون على طاولتي و قال لي بس يا بني خد ده و دي اخر مرة لييييييييك و ما تجيبهوش تاني المدرسة فاهمني  و يلا يا عزيزي روح غسل وشك بالميه و تعالي و الله يرضى عليك  اساتذه اخر زمن مو قادرين يسيطرون على الطلاب لكن بصراحة كانت مغامرة تحياتي احم احم May 01 البحث عن وظيفة !!!السلام عليكم صاير بدون فايدة البحث عن وظيفة  افففففف لاعة جبدي من البيت و من النت حاسس روحي بدون فايدة  اكل و مرعى و قلة صنعى من كثر الحكرة و القعدة في البيت صرت مجنون يعني شوي و اصير مثل هالانسان 8 8
اق اقصد شغل ثقيل مو وزنه اوهووووووو شهالعقل الي عندكم افففف يعني شغل جذي <<<احم احم
نفس هذا الادمي شوفوا الذكاء ينقط منه و هو يخترع الذره بالكمبريتر مو نفسنه احنا العرب شات و منتديات و بالكثير صمم له ورده بالفوتوشوب قال انا شغال احححححححح <<< طرار و يتشرط هع
يلا الحين اخليكم شكلي بحط اسمي في الوسيط
باي April 10 Cyber World - by Fireworkesالسلام على من اتبع الهدى تصميمي الجديد Cyebr World ساعتين من الشغل عليه اتفضلوا عطوني رايكم ...  March 09 برج القمامة السلام عليكماقبل اسبوع تقريبا رحت الجامعة مع اصدقائي المهم يوم صارت الساعة 12 كل جعنا قلنا بنروح نتغده و تالي نكمل فره بالجامعه  كل واحد طلب ليه اكل اكلنا و خلصنا و بقت الصحون الفاضية و مغلفات الاكل فكرنا ليش ما نبدع شوي عن المللو طبعا يونس هو مهندس لذا هو من اقترح الفكرة فقعدنا نعفس و نحط هالاشياء فوق بعض لين ما حصلنا على اكبر برج و قمر صناعي و فكرنا نحط فوقه تلسكوب بس للأسف ما كان عدنا تلسكوب شوفوا الصور شرايكم بهالابداع ؟.... February 26 samurai room .:: 3D useing fireworkes ::.
السلام على من اتبع الهدى February 22 ــانالسلام عليكم
بقول ليكم اليوم قصة من تأليفي صدقوني فنتستاكية و ما بتملون منها
اسم القصة
ــان
كان يا مكان في قديم الزمان كان في شاب اسمه سلمان كان جوعان و خاطره ياكل رمان و في يوم من الايام... التقى بشخص يدعى عبدالرحمن تحدثا لفترة و اطلقا لنفسيهما العنان طلب سلمان من رفيقه وجبة من طيور السمان اومئ عبدالرحمن برأسه موافقا دون ان ينطق بكلمه بسبب ألم بالأسنان ذهبا للمنزل للعشان و في وقت الانتظار شاهدا مسلسل سنان سلمان يقول لما يا عبدالرحمن تبدو حزينا و زعلان ؟ عبدالرحمن : اهلي الذين يسكنون اصفهان سلمان : ما بهم يا عبد الرحمن ؟ عبدالرحمن : احدهم موسيقار و عالم و الاخر فنان سلمان :و اين المشكله الي تبقيك سهران ؟ عبدالرحمن : برب سأشرب بعض الماء انا عطشان سلمان : ويحك اثقلت قلبي بقصتك سأشاهد ماوكلي فأنا احب شريخان عبدالرحمن: اهذا جزاء من اطعمك طيور السمان ؟ سلمان : و هل ذقت منك شيئاً يا سعدان ؟ تشششششششششششششششش << اتمللت بكملها وقت فاني February 19 التراي 2السلام على من اتبع الهدى
بييييييييييييييييييييييييييييييييييييب
امس كان عندي تراي اليسن الساعة 11 بس نادوا اسمي الساعة 11:03 يعني اتأخروا ثلاث دقايق
قبل التراي رحت اتدرب ساعة وحدة
ركبت السيارة مع المدرب
هالمدرب : هلا عامر شخبارك انشالله زين ؟
انا : ايه استاذ واايد <:")">
المدرب : لا عامر لازم ما تخاف انت بس مش عدل و بتنجح
المدرب : انت شكلك حتى وقت الاختبارات في المدرسة جذي
انا : امبله استاذ انا اخاف من الاختبارات انا اصلا قبل كل اختبار اروح العب بليارد في سوق واقف
ساعة وحدة روحة مشيت كأني محترف و الاستاذ يمدحني ما في و لا خطأ كأني شوماخر
خلصت و رحت انتظر دوري عشان يمتحنوني
و دقت الساعة المنتظرة (( منقاش تعال غرفة 1 ))
رحت و انا ارتجف مفلاة هامورة توها طالعة من البحر
و طبعا انا امس ما نمت كلش من المغرب
رحت الا اشوف الشرطي واقف لي ذيك الوقفه كأنه رامبوا ما ادري فاندام
الضابط : يلا يلا ابوي اتأخرنا اتفضل قدامي
و يطالعني بنظرات حقد و كراهية
انا :
دشينه السيارة و شغلته و عدلت الكرسي و سويت روحي محترف
و بس بمشي الا يقول لي....
الهاند بريك يا استاذ عامر
---------------------------- بال جذي بدايتها انا :
رجولي ترجف من جذي السيارة قامت تقطع
مشيت سويت الريوس و الرفعة و لففني و دورني و قلب حياتي فوق تحت
قالي يلا اطلع بره المدرسة
قلت اوه بعد باقي نص الاختبار
طلعت و فراني فر وداني يم جسر السعودية و و داني جبل الدخان و شجرة الحياة تالي رجعني المحرق و لفنني على الف دوار حتى اني اضطريت اشتري بترول على حسابي الخاص 10 دينار
رجعني و قال يلا بركن اهني
طلع اوراق و ما ادري شنو و قام يطالعني بنظرات حقد و كراهية و حسد
الضابط : عامر
انا : ن نع نع نعم
الضابط : شووووووووف
اس اسس استاذ رسبتني ؟
الضابط : ايه رسبتك لكن للأسف بس بره حاولت قدر المستطاع ارسبك داخل بس ما قدرت
انا : ليييييييش >>> تبدلت الاحاسيس الي غضب و انتقام
هو : شوف يبه انت في الشارع تتعامل مع دريويليه سواوقه فنانين انت ما تعرف لهم تالي تدعم شنسوي فيك ؟
انا : استااااذ ما يصير انا امس مو نايم و الجو بارد و عيوني تعورني ايدي تعورني سيارتك خربانة انت سببت لي بعض الارتباك خبصتني بسوالف عورت راسي
هو : يلا اسكت ماعندي وقت حق هالكلام الفاضي
انا : استاذ يا تنجني يا اتهاوش وياك الحين <_
هو : ولله كان ودي انجحك بس للأسف فات الاوان لأني كتبت النتيجة
طاخ بوووم كراش وييييييييييييييييييط وززززززززز
انا : كسرته لو ما لحقوا عليه رفقانه الشرطه
سجنوني مدة اربع ساعات
طلعت إلا اشوف الاخ يونس يتمصخر علي
و صورني هالصورة
تالي شفت اف بي اي و زاد التتطنز
و الله يستر شبقولي لي عمارو
February 14 تصميمي الجديدSaloooom Angle
اليوم فتحت الفوتوشوب و الافكار كالعادة طايرة فكرت فكرت فكرت و فتحت ماي بكجر <<
شفت صورة ولد عمي سلوم
و قعدت اشتغل عليها شوي قصصتها و قطعتها و...الخ
تالي خلصت و عجبني الي صار اممم تصميم فنتستاكي
الاهل انزهقوا عليييييييه عبالهم سويت انجاز
شوفوه و حكموا و عطوني ارئكم المفيدة و نصائحك الذهيبة الالماسية
التصميم.....
February 13 جت المدرسة >_>جت المدرسة... <_ و لوعة الجبد وياها <_
الحين كل يوم لازم نطقها درب روحة و رجعة و رلازم نستمع لأكثر المحاضرات بياخا و مللا على وجه الارض
و الوالد لازم يدفع مصاريف المدرسة ( ثياب , اكل , مواصلات , قرطاسة ما ادري قرطاسية )
و الشي الي يبط الجبد اكثر عقب كل هالتعب نرجع البيت مو فاهمين شي
و هالشي راح يضطرنا ان نقوم ندرس من الكتب <_
و بهالحالة يضيع المزيد من الوقت و يكتئب الطالب و ممكن تجي له حاله نفسيه
و لأن الكتب ما شالله عليها غير مفهومة و مبهمة
فطالب بيضطر يروح المعهد
و الوالد الله يساعد قلبه شي يخلي و شي يلحق
و الطريف بالموضوع اتروح المعهد و تشوف نفس الاستاذ لكنه شرحه متغير <_
و تقول بقلبك ليش افهم له اهني و بالمدرسة لا
انا اقولك عشان المعهد لا يطرده فلازم يشرح
على العموم لازم نشكر الحكومة الله يخليها لأنها تنشر الثقافة و العلم بكل مكان و لو انه الطالب عقب كل سنه يفرمت عقله و لا كأنه مار عليه شي من الي درسه
الله يساعد الجميع انشالله
January 19 مواقع رفع صورمواقع رفع صور
السلام عليكم عندي اليوم لكم مجوعة مواقع رفع صور شنو فننننن
نبدأ بمواقع رفع الصور هع <<<< نخلي الاشياء السبيشل للنهاية
ملف وورد كامل حصلته بأحد المواقع كشخة بس حق مواقع رفع الصور و الملفات .http://fileupyours.com
المرة الجاية انشالله بحط لكم مواقع اشتضافة August 25 لتفكير السياسي !
اقوليكم ذاك اليوم انا كنت قاعد مع ولد عمي .. المهم سوينا روحنا نفهم بسياسة و قعدنا نتكلم اول شي بدأ ولد عمي و قال :
عامر شفت لو كان صدام موجود جان تصير العراق افضل من الحين
انا اهني ما كنت منتبه و مرة وحدة قلت ليه هالكلام ايه عدل كلامك لأن الشعب مو محترم نفسه
عاد اهو فكرني قاعد امزح و اخربط فقام يجاريني بالكلام صحيح صحيح كلامك و عدل 100% السبب الحقيقي كله من اكتشاف كوكب بلوتو
انا : اصلا الامة العريبة من زمان متفككة يعني لو الحين افغانستان و كندا رايحين اجتماع القمة جان من زمان خلص السمج في الخليج العربي
هو : فمن جذي انا دايماً اقولك الملكة اليزابيث كل ما كانت اكثر صرامة مع الشعب زاد هالشي من الاختراعات و الاكتشافات و خاصة في مجال النفط و الفضاء <<< شجاب النفط يم الفضاء
انا : انا مو وياك بهالنقطة لأن ناسا ما ترضى تاخذ عجايز معاها حق القمر و خاصة ان التذاكر غالية و الكراسي مقلوبة داخل الصاروخ
هو : أي أي يعني لو الحين احنا نسكت العالم بيصير بأمان اكثر مو جذي ؟؟
أنا : ايه جذي خخخخخخ
هاهاهاها طلعنا هبلان اثنينه و لا نفهم بالسياسة و لاهم يحزنون مرحباتيشن: السلام عليكم
شخباركاوم شلونكاوم شحوالكاوم انشالله زينين
استمتعوا بتصفح و تفحص و تقحص موقع و مساحتي السبيشل ادري انها عجيبة و غريبة و سبيشل و روعة و رهيبة بس بعديشن ابي اشوف اقتراحاتكم و افكاركم و ابداعاتكم يعني ببساطتيشن و كل شييشن
هاهاهاهيشن
يلا مع السلامتشن . |
|
|
